На покана на министерот за надворешни работи на Република Македонија Никола Попоски утре во еднодневна официјална посета ќе престојува министерот за надворешни работи на Република Србија Иван Мркиќ.
Се очекува македонскиот и српскиот шеф на дипломатијата на средбата да разговараат за билатерални односи, со акцент на можностите за продлабочување на соработката во доменот на економијата, енергетиката и транспортот.
Како што соопшти денеска МНТ, најавено е и потпишување Спогодба за соработка во евроинтеграциите меѓу Република Македонија и Република Србија, како и Спогодба меѓу двете држави за платено работење на лица издржувани од членови на ДКП.
За време на престојот, српскиот министер Мркиќ ќе биде примен и од претседателот на Република Македониа Ѓорге Иванов и од претседателот на Владата на Република Македонија Никола Груевски.
