Постапувајќи по предлог на Основното јавно обвинителство за определување мерка притвор за шест лица и мерки за претпазливост за едно лице, кои беа спроведени во судот, судија на претходна постапка по произнесување на лицата како и ценење на фактите и доказите приложени во предлогот , донесе решенија за 30 дневен притвор за три лица, меѓу кои за сопственикот на „Дурмо-турс“ и за возачот на автобусот поради несреќата кај Ласкарци кога животот го изгубија 15 лица.
Двајца од приведените добија куќен притвор, а на едно лице му се определени мерки на претпазливост и тоа одземање
на патна исправа, забрана за напуштање на живеалиштето односно престојувалиштето, Обврска повремено да се јавува на службено лице во
судот и Забрана за вршење на работни активности.
За седмиот осомничен прифатен е предлогот на обвинителството за определување мерки за претпазливост.
Обвинителот Сашо Рајчев од скопското Обвинителство посочи дека неисправните сопирачки на автобусот и недозволената брзина на движење, како и пропустите во работењето на компанијата, се главните причини за несреќата кај Ласкарци, што се случи на 13 февруари.
