Високо позициониран ирански претставник предупреди дека Иран ќе му се одмазди на Израел за убиството на високиот командант од иранската револуционерна гарда, пренесе БТА.
Корпусот на гардата ги обвини „наемниците и поддржувачите“ на Израел за убиството на генерал Хасан Шатери, кој во средата загина на автопатот меѓу Дамаск и Бејрут.
Израел не го коментира случајот.
Али Ширази, претставник на иранскиот врховен лидер во Гардата, се закани дека Израел наскоро ќе ја плати сметката за ликвидирањето на Шатери.
Иранските медиуми пишуваат дека Шатери бил одговарен за проекти за обновата на јужен Либан.
Не е јасно, меѓутоа, што тој правел во Сирија, посочуваат агенциите.
Техеран е близок сириски сојузник. За оваа земја Сирија е мостот кон либанската шиитска организација Хезболах.