Пред Градската болница „8 Септември“, директорот Христијан Костов ги читаше имињата на повредените патници во сообраќајната несреќа кои не се во животна опасност.
Тој соопшти дека во болницата се починати 5 лица, од кои четворица мажи и една жена, но тие се уште не се идентификувани.
Семејствата и роднините се обидуваат да дознаат што повеќе информации за состојбата на нивните блиски. Дел од нив со солзи во очите чекаа за да ги слушнат имињата на нивните блиски, за да знаат дека тие се надвор од животна опасност.
Костов изјави дека сите 4 операциони сали се подготвени и дека таму ќе се извршуваат потребните интервенции на повредените, а дека за половина час ќе излезе со нови информации за нивната здравствена состојба.
Пред влезот на Градската болница има бројни полициски екипи и забранет е пристап внатре во болницата, за да му се овозможи на медицинскиот персонал непречено да ја извршува работата.
Во болницата дојдоа екипи на судска медицина.
Кристијан Ландов