Времето во Македонија денеска ќе биде сончево со мала до умерена облачност и со слаб до умерен ветер од северен правец.
Утринската температура ќе се движи од минус шест до три, а дневната од три до 13 степени.
Во Скопје, слично време, сончево со мала до умерена облачност и со слаб до умерен ветер од северен правец. Утринската температура ќе се спушти до минус три, а дневната ќе достигне до осум степени.
За време на викендот времето ќе биде стабилно и суво со пониски утрински температури, а дневните ќе бидат во постепен пораст. По одделни котлини ќе има појава на утринска магла. Во понеделник ќе дува засилен јужен ветер, а попладне од запад ќе започнат врнежи претежно од дожд. Од вторник ќе биде постудено и врнежите ќе преминуваат во снег.
