Академијата на убави уметности – Вевчани објави конкурс за поезија, проза, есеи, приказни, рецензии и прилози од историјата на македонската литература и други литературни творби за јубилејните изданија на „Вевчански летопис“, „Вевчански алманах“ и „Вевчанска читанка“.
Конкурсот, како што соопшти Академијата, е по повод јубилејот 75 години од ослободувањето на Република Македонија, а право на учество имаат сите автори со неограничен број прилози. Темите се слободни, по избор на авторите.
Во „Вевчнаската читанка“ ќе бидат објавени песни, раскази и прикази на книги за деца.
На авторите со поезија им се отстапува простор од три печатени страници со фотографија и кратка биографија, за што е потребен паричен надомест од 500 денари. Авторите со проза, раскази или фрагменти од роман, драма, сценарио, рецензии и други литературни прилози, како и научно-стручни текстови им се отстапуваат пет страници. Заинтересираните автори треба да достават и фотографија со кратка биографија и надомест од 700 денари.
– Литературните прилози, уредно отпечатени на хартија и со ЦД со домашна адреса, емаил, и телефонски број треба да се испратат на адреса: Народна библиотека – Вевчани или на емаил: [email protected] , соопшти Академијата.