За 11 месеци лани осум лица го загубиле животот, а 224 биле повредени во сообраќајни несреќи во Југоистокот.
Бројот на сообраќајните несреќи со смртни последици бележи големо намалување во споредба со 2017 година , но брзото возење и неприлагодената брзина на условите на патот и понатаму се главна причина за сообраќајните несреќи во југоисточниот дел на државата.
Според податоци од СВР Струмица, лани за 11 месеци се случиле вкупно 435 сообраќајни несреќи, што е за 236 помалку во споредба со 2017 година.
Лани 123 сообраќајни несреќи биле предизвикани од брзо возење, поради непочитување на правила на првенство на минување-47, недржење страна и правец на движење- 29 и управување под дејство на алкохол- 49.