ВМРО-ДПМНЕ бара распуштање на Парламентот и организирање вонредни парламентарни избори заедно со претседатрелските. На овие избори, ВМРО-ДПМНЕ ќе победи, а волјата на граѓаните ќе биде испочитувана, рече претседателот на ВМРО-ДПМНЕ, Христијан Мицкоски.
– Народе, вие давате и земате власт. Потребни се избори каде што ќе падне Заев. Ако овие луѓе останат на власт, Македонија ќе продолжи да губи. Затоа ова мора да престане и да се промени, а така ќе биде ако заминат од власт, рече Мицкоски.
Тој напомена дека ВМРО-ДПМНЕ не ја поддржува промената на Уставот со цел промена на идентитет, култура, историја и име, став кој бил темелен на партиската програма.
– ВМРО-ДПМНЕ смета дека промената на Уставот со цел промена на уставното име се направи на противуставен и противзаконски пат, со притисоци, пазарања, закани. За нас е значајно што одлуката е на 81 пратеник, но не и на македонските граѓани. Со ваквата одлука се суспендира волјата на граѓаните. Со Договорот од Препса се нанесува штета врз сегашните и идните генерации, рече Мицкоски.
Кристијан Ландов