Во интерес на точното и објективно информирање на јавноста, сакаме да реагираме на текстот објавен во вашиот медиум, во кој се изнесени обвинувања кон градоначалникот Билјана Беличанец-Алексиќ.
Имено, на булеварот “Борис Трајковски”, кој е во надлежност на градот Скопје, во моментов се одвиваат градежни активности за проширување на истиот, со што би се добило подобрено сообраќајно решение.
Со оглед на тоа дека се работи за фреквентна сообраќајница, придобивките од градежните активности, кои се во надлежност на Градот Скопје, а не на општината, ќе ги почувствуваат не само жителите на Кисела Вода, туку и сите останати учесници во сообраќајот. Оттука и општина Кисела Вода, апелира за трпение и разбирање кај сите возачи се додека не завршат градежните активности, велар од општината.