Русија е насочена кон критичната инфраструктура на Украина во серија напади со беспилотни летала врз Киев и регионот околу него, изјавија украинските власти во втората ноќ од жестоките напади на главниот град на Украина.
„Гласно е во регионот и во главниот град: ноќни напади со беспилотни летала“, соопшти Олексеј Кулеба, гувернер на регионот Киев. „Русите започнаа серија напади со беспилотни летала Шахид (од иранско производство). Тие се насочени кон критичните инфраструктурни објекти. Воздушната одбрана работи“, додаде тој.
Twenty-two airborne targets were shot down over #Kyiv overnight, according to the city military administration. pic.twitter.com/AbrATOdsSr
— NEXTA (@nexta_tv) January 2, 2023
Градоначалникот на Киев Виталиј Кличко соопшти дека 19-годишен млад човек е повреден во експлозија во областа Киев и дека сите служби се на терен. Кличко на Телеграм изјави дека младиот човек бил пренесен во болница откако остатоците од дронот паднале на патот во областа Десњански во североисточниот дел на Киев и оштетиле блиска зграда. Ројтерс не можеше независно да ја потврди таа информација.
About 10 air targets have already been shot down over #Kyiv
A 19-year-old boy was hospitalized in Desnyanskiy district of the capital of #Ukraine. pic.twitter.com/qQOSi1Dw1o
— NEXTA (@nexta_tv) January 2, 2023
Десњански, кој се наоѓа на левиот брег на реката Днепар, е главно станбена област и најнаселена област на главниот град. Украинските системи за противвоздушна одбрана соборија 16 воздушни објекти над Киев во раните утрински часови на вториот ден од новата година, соопшти градската воена управа.
Регионалната воена команда на Украина на истокот на земјата соопшти дека системите за противвоздушна одбрана, исто така, уништиле девет беспилотни летала Шахид над регионите Дњепропетровск и Запорожје во понеделникот раните часови.