Силен земјотрес со јачина од 6,5 степени според Рихтеровата скала е регистриран во близина на пацифичкиот брег на Никарагва, соопшти Американскиот геолошки институт, ненаведувајќи дали има евентуални штети.
Сеизмолошкиот инситут во Никарагва измери јачина на потресот од 6,6 степени според Рихтер и издаде предупредување за цунами.
Епицентарот на земјотресот бил на околу 50 километри од Масачапе, заедница на пацифичкиот брег на Никарагва, пренесоа агенциите.
Во земјотресот со јачина од 6,2 степени според Рихтер, во Манагва во 1972 година погинаа 5.000 лица, а повеќе од 250.000 останаа без домови.