Украинскиот претседател Володимир Зеленски на прес-конференција изјави дека досега во Украина загинале најмалку 21.000 членови на Вагнер.
Според него, уште 80.000 биле ранети.
„Тоа се главно осуденици и оваа војна им послужи како бегство од затвор. Затоа немаа што да изгубат“, рече Зеленски.
„Мораме да ја искористиме оваа ситуација за да го истиснеме непријателот од нашата територија и да постигнеме конечна победа“, рече Зеленски.
Тој зборуваше и за контраофанзивата: „Секој километар чини живот, затоа внимаваме. Секој дел од просторот каде што беа Русите беше целосно миниран. Не смееме да брзаме, блиску сме, тие ја губат оваа војна и затоа сега се караат едни со други. Некој мора да биде виновен за неуспехот“, додаде тој.
На прашањето на новинарите дали е во опасност и дали се плаши за својот живот, Зеленски замавна со раката: „Поопасно е за Путин отколку за мене, искрено. Затоа што тие сакаат да ме убијат само во Русија“.