Украинскиот претседател Володимир Зеленски денес изјави дека во последните денови одржал повеќе од 30 разговори и консултации со меѓународни партнери и нагласи дека нема знаци дека Русија се подготвува да ја заврши војната.
„Во последните денови се одржаа повеќе од 30 разговори и консултации со партнери. Војната мора да заврши. Потребно е да се изврши притисок врз Русија за фер мир. Треба да го искористиме искуството на Украина и нашите партнери за да спречиме нови измами од страна на Русија. Во моментов, нема знаци дека Русите се подготвуваат да ја завршат војната“, рече Зеленски.
Зеленски нагласи дека координираните напори и заедничките чекори на Украина, САД, Европа и сите земји што сакаат мир можат да ја принудат Русија да ја прекине агресијата.