Правилата за преминување на државната граница за мажи на возраст од 18 до 22 години се договорени со воената команда, а соодветните можности треба да стапат во сила во блиска иднина, изјави украинскиот претседател Володимир Зеленски по состанокот со премиерката Јулија Свириденко.
„Денес, на владина седница, ќе бидат ажурирани правилата за преминување на државната граница за мажи на возраст од 18 до 22 години. Сите детали се договорени со воената команда, а соодветните можности треба да стапат во сила во блиска иднина“, напиша Зеленски на каналот Телеграм.
Како што изјави, со Свириденко разговарал за соработката со Норвешка во подготовката за грејната сезона и продолжувањето на грантовската помош за купување природен гас.
Дополнително, Зеленски најави проширување на програмата „eRecovery“.
„Ќе има повеќе можности за компензација на загубата на имот на привремено окупираните територии. Премиерот ќе ги презентира сите детали“, рече тој.