Зеленски неочекувано го откажа говорот пред американскиот Конгрес

Од:

Украинскиот претседател Володимир Зеленски неочекувано го откажа за денеска закажаното обраќање пред американскиот Конгрес поради настан „во последен момент“, изјави лидерот на демократите во Сенатот Чак Шумер.

„Зеленски не може да се појави на нашиот брифинг во 15 часот, нешто се случи во последен момент“,

изјави Шумер за новинарите.
Украинскиот претседател требаше преку видео врска да зборува пред американскиот Конгрес со надеж дека ќе влијае на Конгресот да одобри нов пакет помош за неговата земја.

Вашингтон дава најголема воена помош за Киев и даде десетици милијарди долари од почетокот на руската инвазија во февруари 2022 година.

Но, ветувањето на американскиот демократски претседател Џо Бајден дека ќе продолжи со финансиска поддршка на Украина е сериозно доведено во прашање, што би било погубно за Киев, чија разочарувачка контраофанзива не ги донесе очекуваните територијални придобивки.

Американскиот Конгрес, кој досега одобри огромни пакети воена, хуманитарна и макроекономска помош за Киев, е составен од два дома. Републиканците имаат мнозинство во Претставничкиот дом, а голем број од нив бараат итно да се прекине помошта за Киев.

Во Сенатот, каде демократите се мнозинство, опозициските републиканци се за поддршка на Украина.

Украинските власти велат дека им треба повеќе оружје за да избегнат руски напади кои ќе ја уништат енергетската инфраструктура и ќе остават милиони луѓе во темница оваа зима, како што се случи минатата година.

Би можело да ве интересира

Русија го нападна Макрон: Го тера Западот во светска војна

Блиски соработници на Трамп тајно се среќаваат со ривалите на Зеленски

Катерина Ѓуровски

Европскиот план за заштита на Украина „Sky Shield“ повторно е во игра

Катерина Ѓуровски

Орбан бара Европската унија директно да преговара со Русија

(ВИДЕО) Клучен самит на ЕУ лидерите: Подготвени сме на кошмарно сценарио

Зеленски: На Украина не и треба привремен прекин на огнот, туку крај на војната

А1он