Претседателот на Украина – Володимир Зеленски ја отфрли секоја можност за територијални отстапки во замена за мир, нагласувајќи дека суверенитетот на Украина е недопирлив. Ова следи по најавата за средба меѓу американскиот претседател Доналд Трамп и рускиот лидер Владимир Путин, закажана за 15 август во Алјаска.
„Одговорот на територијалното прашање е јасно утврден во Уставот на Украина. Никој нема право да отстапи од тоа, ниту Украина ќе ѝ ја даде својата земја на окупаторот“, изјави Зеленски.
Тој додаде дека Украина е отворена за реални решенија кои ќе донесат мир, но само под достоинствени и јасни услови.
„Оваа војна мора да заврши, а Русија треба да ја прекине. Русија ја започна и ја одолговлекува војната, игнорирајќи ги сите рокови“, нагласи Зеленски.