Украинскиот претседател Володимир Зеленски реагираше на повикот на рускиот претседател Владимир Путин за директни преговори за постојан мир, нагласувајќи дека тоа е позитивен сигнал и дека целиот свет долго време чека на таков чекор.
It is a positive sign that the Russians have finally begun to consider ending the war. The entire world has been waiting for this for a very long time. And the very first step in truly ending any war is a ceasefire.
There is no point in continuing the killing even for a single…
— Volodymyr Zelenskyy / Володимир Зеленський (@ZelenskyyUa) May 11, 2025
Зеленски преку платформата Х рече дека првиот и неопходен чекор кон крајот на војната е прекин на огнот.
„Тоа е позитивен знак дека Русите конечно почнаа да ја разгледуваат можноста за завршување на војната. Целиот свет го чекаше тоа многу долго. Првиот чекор кон вистинскиот крај на секоја војна е прекин на огнот“ – напиша Зеленски.
Украинскиот претседател додаде дека нема смисла да се продолжи конфликтот „ниту еден ден подолго“ и дека очекува Русија да го потврди прекинот на огнот уште на 12 мај.
„Нема смисла да се продолжи со убиството уште еден ден. Очекуваме Русија да потврди прекин на огнот – целосен, постојан и сигурен – почнувајќи од утре, 12 мај, а Украина е подготвена да се сретнеме“ напиша Зеленски.
Путин претходно предложи директни разговори да се одржат на 15 мај во Истанбул, со поддршка на турскиот претседател Реџеп Таип Ердоган.
Киев до сега официјално не коментираше за местото и датумот на средбата, но Зеленски јасно укажа на подготвеноста за почеток на мировните преговори, со услов прекинот на огнот веднаш да се случи.