Украинскиот претседател Володимир Зеленски го номинираше генералот Јевхен Хмара за нов министер за одбрана, додека Андриј Сибиха треба да остане на чело на Министерството за надворешни работи.
Двата предлози сега мора да бидат потврдени од парламентот, кој се врати од летниот одмор на 18 август, објавува „Киев Индепендент“.
Одлуката за новиот министер за одбрана се носи во напната атмосфера, бидејќи разрешувањето на претходниот министер, Михајло Федоров, предизвика недели протести низ целата земја.
Демонстрантите денес повторно се собраа пред зградата на парламентот и побараа враќање на Федоров, што претседателот го отфрли.
Украински функционер потврди за „Киев Индепендент“ дека Зеленски ги номинирал Хмара и Сибиха, но додаде дека сè уште не е јасно кога ќе се одржи гласањето. Според пратеникот Јарослав Железњак, гласањето за потврда треба да се одржи на 19 август.
Претседателот на парламентот, Руслан Стефанчук, изјави: „Парламентот ќе го разгледа предлогот што е можно поскоро, во согласност со Уставот на Украина и утврдените парламентарни процедури“.