Украинскиот претседател Володомир Зеленски денеска го повика рускиот претседател Владимир Путин на разговори, истакнувајќи оти тоа е „единствен начин да се запре оваа војна“.
– Ние не ја напаѓаме Русија и не планираме да ја нападнеме. Што сакате од нас? Напуштете ја нашата земја, истакна Зеленски.
Тој од западните земји побара да ја зголемат воената помош за Украина.
– Ако немате моќ да го затворите небото, тогаш дадете ни авиони, посочи Зеленски.
Тој предупреди дека „ Ако падне Украина, следни би можеле да бидат Летонија, Литванија, Естонија“.
Извор: МИА