Захарова: Ватикан се извини поради коментарите на папата

Од:

Русија денеска соопшти дека добила извинување од Ватикан поради коментарите на папата Франциск минатиот месец дека руските војници од некои етнички малцински групи биле „најсурови“ борци во конфликтот во Украина.

На брифинг во Москва, портпаролката на руското Министерство за надворешни работи, Марија Захарова рече дека Русија сега смета дека работата е завршена и се надева на конструктивен дијалог меѓу Русија и Ватикан.
Во интервју минатиот месец за списанието „Америка“, Фрaнциск зборуваше за, како што рече, суровоста на руските воени сили во Украина.

– Генерално, можеби најсурови се оние кои имаат руско потекло, но не се придржуваат до руската традиција, како Чеченците или Бурјатите. Во секој случај, напаѓачот е руската држава, тоа е сосема јасно, рече Франциск.

Рускиот министер за надворешни работи Сергеј Лавров, коментарите на папата ги нарече „нехристијански“ и неразбирливи.

Светиот Отец во неколку наврати понуди посредништво на Ватикан за решавање на конфликтот, но поради неговата остра критика кон Русија, тоа е многу малку веројатно.

Извор: МИА

Би можело да ве интересира

Захарова: Русија не покани претставници на „непријателските земји“ на парадата за Денот на победата

Марија Захарова го најави остриот одговор на Русија на потезите на официјален Лондон

Захарова: Русија внимателно ги следи сите маневри на НАТО кои се дел од хибридната војна

Захарова: Киев продолжува отворено да објавува терористички напади врз Русија

Захарова: Русија се надева дека глобалниот југ нема да учествува во антируските акции

Захарова: Светот треба да го осуди нападот на Украина врз нуклеарната централа Запорожје