Европската Унија се обидува да ги наруши политичките и дипломатските процеси во врска со Украина, изјави денес портпаролката на руското Министерство за надворешни работи, Марија Захарова.
– Не станува збор за освојување поени. Не станува збор за зајакнување на позицијата преку ангажирање на масите. Прво, станува збор за нарушување на политичкото и дипломатското решение и, второ, за манипулирање со ситуацијата за свои цели, рече Захарова.
Како што наведе таа, протекувањето информации за американскиот план за Украина има за цел да ги попречи дипломатските напори и контакти.