Портпаролката на руското Министерство за надворешни работи, Марија Захарова, денес изјави дека постои екстремен степен на агресивна желба од страна на западните земји да го милитаризираат Арктикот.
„Ова е екстремен степен, би рекла, на агресивна желба да го милитаризираат овој регион“, рече таа, според РИА Новости.
Захарова нагласи дека, за жал, агендата на западните земји за зачувување на културата и традициите на домородните народи се покажа како „празни зборови“.
„Но, всушност, под овој сос лежи бескрајна желба за потчинување, деградација, доминација“, додаде таа.
Таа, исто така, потсети на надворешните околности „во кои се развива сето ова“.
„Феноменот на независното влегување на Финска и Шведска во НАТО не е ниту доброволно ниту независно. Никој не ги праша луѓето, сè беше направено за нив“, рече Захарова, според Танјуг.