Чекорите на Русија по приемот на Шведска во НАТО ќе зависат од конкретните акции на Стокхолм во Алијансата, изјави портпаролката на руското Министерство за надворешни работи, Марија Захарова.
„Внимателно ќе следиме што (точно) Шведска ќе прави, како ќе го спроведе своето членство во пракса. Според тоа, ќе ја изградиме нашата политика за одговор, чекори за одговор од воено-техничка или друга природа со цел да спречиме појава на проблеми – рече Захарова на прес-конференција.
Во понеделникот унгарскиот Парламент го ратификуваше барањето на Шведска за влез во НАТО. При конечното гласање „за“ беа 188 пратеници, шест беа „против“, а четворица пратеници не гласаа.