Португалската полиција (PJ) денес објави дека е потврдена националноста на сите 16 лица кои загинаа во несреќата на жолтиот трамвај „Глорија“ во Лисабон.
Меѓу жртвите се пет португалски државјани, тројца Британци, двајца Јужнокорејци, двајца Канаѓани, како и по еден државјанин на Швајцарија, Украина, САД и Франција, објавува Радио-телевизија Португалија.
Полицијата, исто така, прецизираше дека германскиот државјанин кој претходно беше прогласен за мртов е жив и е хоспитализиран во болницата Сао Хозе.
Бројот на жртви сега официјално е 16, наместо 17 како што претходно објавија медиумите.
Според PJ, жртвите се идентификувани врз основа на научни методи во соработка со Националниот институт за судска медицина и судски науки.
Жолтиот трамвај излета од шините за време на вечерниот шпиц во среда, 3 септември, околу 18 часот по локално време и се урна во зграда во центарот на португалската престолнина, додека превезуваше повеќе од 40 лица.
Фуникуларот во центарот на португалската престолнина, познат како Елевадор да Глорија, е популарна туристичка атракција, особено во текот на летната сезона.