Автобус со хинду верници падна во реката Ганг, во Северниот дел на Индија. Во страшната сообраќајна несреќа, според првичните информации загинаа најмалку 26 лица. Се стравува дека бројката може да е и поголема.
Четири лица се во критична здравствена состојба и се префрлени во болница. Спасувачите повеќе од четири часа од Ганг ги извлекуваа телата на жртвите во хималајската држава Утаркханд.
Според полициски извори, возачот на автобусот, во кој имало 45 патници, изгубил контрола за време на претекнувањето на трактор.