Москва жали што е суспендирана од Советот за човекови права на ОН, изјави портпаролот на Кремљ, Дмитриј Песков.
„Жалиме поради тоа, ќе продолжиме да ги браниме нашите интереси со сите можни правни средства и да ги изразуваме нашите ставови“, изјави портпаролот на Кремљ.
Русија денеска објави дека гласањето на земјите-членки за суспендирање од Советот за човекови права на ОН е „незаконско и политички мотивирано“.
Генералното собрание на ОН гласаше за суспендирање на Русија од Советот за човекови права на ОН, со 93 гласа „за“ и 24 „против“, а 58 земји беа воздржани.
Извор: МИА