За падот на Авдивка, Бајден го обвини Конгресот

Од:

Американскиот претседател Џо Бајден го обвини Конгресот за повлекувањето на украинските сили од Авдивка во источна Украина, велејќи дека неактивноста на американскиот парламент довела до пораз.

„Украинската војска беше принудена да се повлече од Авдивка поради недостиг на муниција, што беше резултат на неактивноста на Конгресот и што резултираше со првите значајни придобивки на Русија по неколку месеци“, соопшти Белата куќа по телефонскиот разговор меѓу Бајден и украинскиот претседател Володимир Зеленски.

Падот на уништената Авдивка е најголемиот напредок на Русија од мај 2023 година, кога го освои Бахмут. Бајден во телефонски разговор уште еднаш го уверил украинскиот претседател за американската поддршка и ја истакнал итната потреба Конгресот да одобри нов пакет помош за Украина, соопшти Белата куќа.

По долго одложување, Сенатот неодамна одобри нов пакет помош за Украина во вредност од околу 60 милијарди долари. Не е јасно дали ќе помине во Претставничкиот дом, каде мнозинство се републиканците. Нејзиниот претседател Мајк Џонсон тврди дека законот нема ни да биде ставен на гласање.

Заземањето на Авдивка е клучно за целта на Русија да обезбеди целосна контрола врз двете провинции кои го сочинуваат индустрискиот регион Донбас, а исто така може да му донесе победа на претседателот Владимир Путин на изборите следниот месец.

Би можело да ве интересира

Русите ја презедоа контролата врз селото Богдановка

Предраг Петровиќ

Стигна порака: „Новата американска помош нема ништо да смени во Украина“

Русија за американската помош: Ова дополнително ќе ја уништи Украина

Америка изгласа помош за Украина, ова би можело да со смени текот на војната

Катерина Ѓуровски

Америка блиску до историска одлука за Украина, ова може да го промени текот на војната

Катерина Ѓуровски

Руски воен репортер убиен во украинскиот напад со дронови