Врховниот суд на Русија ги прогласи за терористички организации групациите Исламска држава и Фронтот ал Нусра и ги забрани нивните дејности на територијата на Руската Федерација, јави ТАСС.
Одлуката беше донесена на иницијатива на главното обвинителство на Русија.
ИД дејствува претежно на териториите на Сирија и Ирак и е формирана во 2006 година во Ирак со спојување на 11 радикални исламистички групации, на чело со локалниот огранок на Ал Каеда. Фронтот ал Нусра, кој дејствува во Сирија е поврзан со Ал Каеда.