Најмалку 30 војници и членови на нарко бандите беа убиени во долгите битки што следеа по апсењето на шефот на картелот Синалоа, Овид Гузман, син на еден од најпознатите мексикански криминалци – Хоакин „Ел Чапо“. Запалени се најмалку 250 возила, а војската во акциите користела борбени хеликоптери и авиони. Беа погодени најмалку два авиони.
Уште триесет лица се ранети, додека полицијата и војската уапсија 21 член на нарко картелот.
Судирите меѓу армијата и криминалците избувнаа откако членовите на картелот Синалоа се обидоа, како и пред три години, да ги натераат властите да попуштат и да го ослободат синот на најпознатиот криминалец во историјата на оваа земја со напад на безбедносните сили.