Во завршната трка во Памплона, една 23-годишна Австралијка се здобила со тешки повреди, кога бик со роговите и го пробил градниот кош, а уште четири лица се здобиле со исекотини и модринки.
Претставник на здравствените власти Хавиер Сесма истакна дека девојката е тешко повредена и дека е хоспитализирана заедно со уште четворица учесници на трката, која траела само 2,16 минути на растојание од 928 метри од шталата надвор од средновековните ѕидини на Памплона до централна корида.
За осум дена од траењето на Фестивалот Сан Фермин, 50 лица се повредени, од кои речиси половина вчера се здобија со сериозни повреди.
Осумдневниот фестивал потекнува од доцниот 16 век посветен на „светецот заштитник“, а фестивалот Сан Фермин во Памплона стана познат благодарение на писателот Ернест Хемингвеј со романот „Сонцето повторно се раѓа“ (1926).