Две лица, за кои се претпоставува дека биле припадници на јеменскиот огранок на Ал Каеда, се убиени во воздушен напад, соопштија безбедносни извори.
Повеќе од 40 воздушни напади се извршени во јужните провинции на Јемен односно местата каде екстремистите имаат бази.
Најмалку 25 осомничени припадници на Ал Каеда се убиени од март минатата година до денес во Јемен.
Според Обединети нации во двегодишната војна во Јемен меѓу владините сили и шиитските бунтовници загинале над 7.400 лица, а повредени се 40.000.