Министрите за надворешни работи од Европа, од САД и од соседните држави на Либија денеска во Виена ќе ја разгледуваат стратегијата за надминување на хаосот во земјата настанат од политичките поделби и џихадистичката закана.
Над 20 делегации учествуваат на средбата, чиј поретседавачи се шефот на италијанската дипломатија Паоло Џентилони и американскиот државен секретар Џон Кери.
– Премногу е рано да се каже дали преговорите ќе доведат до напредок за постигнување на мир во Либија, посочи германскиот министер за надворешни работи Франк-Валтер Штајнмајер пред почетокот на средбата на која учествуваат претставници на меѓународно признаената либиска Влада.
Тој додаде дека денеска ќе зборува како да се поддржи новата влада во Триполи и како да се надмине внатрешниот конфликт и поделбата на земјата.
Кери по средбата со шефот на јорданската дипломатија Насер Џуде изјави дека „има многу работа“.