Во Украина е формирана нова Влада на чело со Микола Азаров. Претседателот Виктор Јанукович назначи во Кабинетот нови министри, меѓу кои министер за надворешни работи ќе биде Леонид Кожара, а министер за одбрана Павло Лебедев.
Повеќето министри ќе ги задржат функциите. Јуриј Колобов ќе остане министер за финансии, а ќе се формира ново Министерстство за приходи и даноци, на чие чело ќе биде Олександр Клименко, поранешен шеф на даночната служба.
Досегашниот шеф на Централната банка Сергеј Абрузов станува прв вицепремиер.
На 13 декември украинскиот Парламент одново го избра Микола Азаров за премиер, откако владејачката Партија на регионите и нејзините сојузници собраа мнозинство во законодавниот орган. Азаров беше премиер, откако Јанукович стана претседател во 2010 година. Неговиот претходен Кабинет формално поднесе оставка на 3 декември по парламентарните избори во земјата.