Во судирите меѓу шиитските бунтовници и исламистичките припадници на племињата наклонети кон јеменските власти денеска погинаа најмалку 35 лица, додека 40 се повредени, соопшти јеменската полиција.
Во соопштението се наведува дека во судирите во градот Амран и околината погинале 15 војници и 20 бунтовници, како и дека борбите и натаму траат, пренесуваат американските медиуми.
Јеменски официјални претставници наведуваат дека армиските единици се борат заедно со припадниците на племињата кои и припаѓаат на Исламистичката партија Ислах, како и дека воените авиони ги гаѓаат позициите на бунтовниците, кои синоќа се обиделе да извршат напад врз една зграда на локалната управа во Амран.