Шпанската полиција уапси денеска 26 луѓе за кои се сомнева дека се членови на италијанската мафијашка организација Камора, обвинети за перење пари преку компании во Шпанија.
Полицијата ги уапсила осомничените во рации во Мадрид и заплениле пари и дрога. Уапсените биле членови на разни кланови во Камора и дејствувале во Шпанија со криминални организации од Италија. Тие формирале така наречена бизнис мрежа во Шпанија за перење на нелегално стекнатите пари.
Осомничените треба да бидат изведени пред судија на сослушување заради трговија со дрога, членство во криминална организација, перење пари, фалсификување и затајување данок.