Шпанската полиција денеска соопшти дека по двегодишна акција разбила меѓународна мрежа на шверц со кокаин, при што се уапсени 74 лица.
Меѓу уапсените 70 мажи и четири жени има државјани на Шпанија, Колумбија, Португалија, Иран и Боливија.
Во заедничката операција со американската, бразилската и француската полиција се запленети 575 килограми кокаин и се затворени пет тајни лаборатории, се додава во полициското соопштение.
Шпанската полиција наведува дека се конфискувани и 11 парчиња огнено оружје, како и 7,765 милиони долари во готовина.
Се претпоставува дека со оваа мрежа за шверц на дрога од Јужна Америка до Европа раководел „познат колумбиски нарко-дилер“, кој живеел во Бразил и е уапсен во Рио де Женеиро.