Шпанската полиција приведе две лица во шпанската енклава во северна Африка, Сеут, под сомнение дека се членови на џихадистичката терористичка ќелија и оти подготвувале напади во Шпанија.
Во соопштението на шпанското Министерство за внатрешни работи се посочува дека денеска уапсените лица се поврзани со четворицата припадници на истата ќелија, кои се уапсени на 24 јануари. Тие преку општествените мрежи регрутирале лица за Исламска држава.
Во неделата во Шпанија уапсена е една Мароканка, под сомнеж дека се обидела да и се приклучи на ИД во Сирија.