Околу 40 припадници на шиитското бунтовничко движење Хути во Јемен вчера загинаа откако бомбаш-самоубиец активира автомобил-бомба во болница, која била користена од бунтовниците како база.
Нападот бил извршен во провинцијата Мариб, источно од главниот град на Јемен, Сана.
Одговорноста за нападот ја презеде Ансар ал Шарија, јеменски огранок на Ал Каеда.
Припадниците на Хути воспоставија контрола врз Сана пред една недела по неколкодневните борби со борците лојални на сунитската партија Ислах.