Во рускиот регион Оренбург е отворена кривична истрага поради смртта на девет лица од труење со алкохол, откако консумирале локални пијалоци, што биле произведени во регионот.
Локалната униформирана полиција соопшти дека се истражува дали алкохолните пијалоци, произведени во регионот што граничи со Казахстан, ги исполнуваат безбедносните стандарди.
Во соопштението се наведува дека девет лица од две села во близина на границата со Казахстан вчера и денеска починале од токсичните ефекти на етанолот во пијалоците.
По случајот со масовно труење со алкохол во Сибир во 2016 година, властите во Русија наредија построги контроли за производството и продажбата на пијалоци, лекови, парфеми и други производи што содржат висок процент на етанол.