Средбата на лидерите на земјите-членки на Азиско-Пацифичка економска соработка (АПЕК) денеска почнува во главниот град на Кина, Пекинг.
Домаќин на средбата, на која ќе присуствуваат лидерите на 21 држава, е кинескиот претседател Кси Џинпинг. Меѓу присутните ќе бидат и рускиот и американскиот претседател Владимир Путин и Барак Обама.
Дводневната средба во Пекинг е посветена на зајакнување на соработката, поголема економска интеграција и нови трговски правила.
Водечки земји во АПЕК се САД, Кина и Јапонија. Регионот придонесува приближно половина од светската трговија и 57 проценти од светскиот бруто домашен производ.
Самитот на АПЕК е најголем меѓународен настан во Пекинг по Олимписките игри во 2008 година.