Дваесет и осум турски возачи на камиони биле грабнати во северниот ирачки град Мосул од групата „Исламска држава во Ирак и Левантот“ (ИДИЛ), соопштија турските медиуми, цитирани од ДПА.
Германската агенција цитира високо позициониран турски претставник, кој денеска изјави дека Турција ги истражува тврдењата за грабнување на турските возачи.
Според информации на турските медиуми, возачите се земени за заложници. Тие биле грабнати додека превезувале дизел гориво од јужното турско пристаниште Искендерун за Мосул.