Во главниот град на Белорусија, Минск почна средба на контакт групата за Украина.
Во преговорите учествуваат амбасадорот на Русија во Киев, Михаил Зурабов, претставникот на ОБСЕ во Украина, поранешниот украински претседател Леонид Кучма, претставници на самопрогласените Доњецка и на Луганска република.
Според руски медиуми, на средбата ќе се разгледува прашањето за размена на заробеници.
Пред почетокот на средбата, советникот на началникот на Службата за безбедност на Украина Маркјан Лубковски изјави дека досега властите на проруските источни региони му предале на Киев 1.351 војник кои биле заробени. Лубковски додаде дека Киев се подготвува да ослободи 225 заробеници.