Осум лица меѓу кои пет малолетници се пронајдени мртви во близина на мексиканското летувалиште Акапулко, соопшти полицијата.
Во соопштението се наведува дека жртвите биле на возраст од 12 до 25 години и дека се пронајдени во поле во близина на градот Којук де Бенитес.
Локалниот началник на полицијата Онорио Салинас изјави дека жртвите биле пронајдени вчера со смртоносни рани од куршуми, пренесе агенција „Франс прес“.
Според агенциите ова е најнов доказ дека насилството поврзано со криминалните групи во Мексико се уште е широко распространето, наспроти уверувањата на владата дека стапката на убиства опаѓа.
Eлена Георгиевска