Судири меѓу приврзаници и противници на соборениот претседател Мохамед Морси избувнаа вечерва во реонот на централниот плоштад Тахрир во Каиро.
Судирите почнаа кога неколку стотини приврзаници на соборениот египетски претседател Мохамед Морси тргнаа вечерва кон националната телевизија на бреговите на реката Нил во центарот на Каиро.
Очевидци велат дека тие го преминале мостот на Нил во близина на плоштадот Тахрир, каде се наоѓаат противниците на Морси.
Во близина на плоштадот се наоѓаат војници со оклопни возила. Војската соопшти дека планира да ги држи раздвоени ривалските фракции, а исламистите го преминале мостот и се собрале пред седиштето на телевизијата.