На јапонскиот остров Хокаидо денеска падна снег, што претставува трет случај на снежни врнежи во овој период од годината во последните сто години. Во градовите Асахикава, Кусиро и во Обихиро снежната покривка изнесува десет сантиметри. Снегот го отежна движењето на градскиот транспорт.
Метеоролозите наведуваат дека раниот снег на Хокаидо е поради тајфунот Випха, кој денеска утрово стигна над островот. Снег во средината на октомври на Хокаидо досега паднал во 1892 и во 1910 година.