Во израелски воздушен напад врз градот Рафах, на југот на Појасот Газа, загинаа седум лица, а неколку други беа ранети.
Израелските воздухопловни сили го погодија квартот Ал-Џанин во Рафах околу 13 часот по локално време, јавува Ал Џезира.
Израел најавува копнена инвазија на Рафах, каде живеат повеќе од милион Палестинци, а меѓународните хуманитарни организации и некои светски претставници наведуваат дека тоа дополнително ќе ја искомплицира лошата хуманитарна ситуација за палестинските цивили.
Палестинското Министерство за здравство соопшти дека од почетокот на конфликтот меѓу Израел и Хамас на 7 октомври, во Газа се убиени 29.606, а ранети 69.737 лица.
Бројот на загинатите на Западниот Брег достигна 406, а 4.600 луѓе се повредени. Израел објави дека 237 војници биле убиени во копнената инвазија на Појасот Газа, додека 1.139 луѓе биле убиени во нападот на Хамас на југот на земјата.