Инспектори од Меѓународната агенција за атомска енергија (МААЕ) пристигнаа денеска во Техеран, за да се обидат да склучат договор, што ќе ја намали загриженоста на меѓународната заедница, поради спорната иранска нуклеарна програма.
Денешните преговори се првата таква средба меѓу МААЕ и Иран од август досега.
Делегацијата, предводена од заменик генералниот директор Херман Накертс, ќе се сретне со ирански претставници по нуклеарните прашања.
МААЕ бара договор, што ќе им овозможи на инспекторите да го посетат воениот комплекс Парчин и други објекти, поврзани со иранската нуклеарна програма.