Повеќе од 63.000 сириски бегалци кои ја напуштија својата татковина поради конфликт, најдоа засолниште во соседниот Ирак, објави високиот комесаријат за бегалци на ОН.
Податоците, заклучно со 5 декември, покажуваат дека во Ирак има 63.496 сириски бегалци.
Повеќето од нив, поточно 54.550, се во трите провинции на областа Курдистан на север од Ирак, 8852 се наоѓаат во провинцијата Анбар на запад на земјата, а преостанатите 94 во други провинции, пренесе агенцијата АФП.
Според податоците на ОН 58.213 Ирачани се вратени од Сирија во татковината од 18 јули.