Во последните десет недели во Индија од свински грип починале повеќе од 700 лица, а властите се обидуваат да обезбедат лекови за болниците.
Министерството за здравство соопшти дека од средината на декември се пријавени околу 11.000 случаи на заболени од овој вид на грип и тоа повеќето се од државите Раџастан, Гудџарат, Махарашатра и Маѓа Прадеш.
Инаку иако се зборува дека се работи за свински грип, лекарите велат дека ова е една верзија на пандемија на грипот од типот Х1Н1, кој за прв пат се појави во Мексико во 2009 година.
Според нив причина за големиот број смртни случаи е што пациентите на време не бараат лекарска помош, поради што го повикаа населението да направат анализи веднаш штом ќе ги почувствуваат првите симптоми.
Е. Г.