Бројот на базања за азил во Германија во 2016 година се намалил до околу 320.000, што е значително намалување во споредба со претходната година.
Намален е и бројот на уапсени во земјата за шверц на луѓе, пренесе ДПА, повикувајќи се на весникот „Велт ам зонтаг“.
Приближно 321.000 лица пројавиле интерес за добивање азил во земјата во 2016 година, а бројот на месечно поднесени барања се намалувал во текот на целата година – од 91.671 во јануари до 16. 441 во декември, покажуваат податоците на Федералната служба за миграција и бегалци.
Во 2015 година во Германија пристигнаа околу 890.000 кандидати за азил.
Според податоците на Министерството за внатрешни работи, во 2016 година приближно 900 лица биле уапсени во земјата за шверц на луѓе, што е значително намалување во споредба со претходната 2015 година, кога нивниот број изнесувал 3.370.